NAAC assessment agitsü atema Phek College renema lir

Phek, Mongputeni/October 17 (TYO): Tanü MLA- Kuzholuzo (Azo) Nienu aser Kezhienyi Khalo nati, National Assessment and Accreditation Council (NAAC) assessment agitsü atema Phek Government College terenemshiba nung akok tashi nungita yaritsü, ta metetdaktsüogo.
Phek college nungita Azo-i Phek college lenla ajak nung renloktsü atema bilemtsüba lemsatepa liasü.
Azo-isa, tawa tembangba 13th Nagaland Legislative Assembly tanabuba session nung Khalo tenati Phek College dak sendakba onük kar benokogo, ta metetdaktsü.
Azo-isa, tarutsü loktiliba jenjang tajungba akumtsü atema human resource development nüngdaker, ta ashi.
Phek College Principal, Dr. Vizovol Mekro-i, NAAC assessment atema terenemshiba tenzükogo, ta metetdaktsüba den külemi nija balalai college nungita yariba atema pelaba metetdaktsü.
Taküm Mongputeni/October-Yimpoksüi/November nung NAAC (UGC)-i iba college assessment agitsü.