NAAC-i Kohima Science College nem A Grade agütsü

Dimapur, May 03 (TYO): May 02, 2017 nü Standing Committee of National Assessment and Accreditation Council (NAAC), Bangalore 24buba senden nung Kohima Science College, Jotsoma (KSCJ) nem A Grade den 3.42 Cumulative Grade Point Average (CGPA) agütsü.
CGPA ya grading system tasenba lir aser iba ya 2016 küm July mezüngnü nungi mapa küma inyaker.
Iba mapang nungjagi tenzüka NAAC-i India nung college 1,235 tashi asadangogo. Item rongnung jagi college 343 nem grade A mesüra iba dang temaba agütsü, aser iba nungji Grade A nung college 302 lir, college 39 nem A+, aser colleges 2 nem A++ Grade agütsü.
Tang NAAC-i sangdongba tarensen nung Kohima Science College, Jotsoma ji linük nung jenjang 46buba nung lir, aser India nung college tajungtiba shilem 4 rongnung densema lir.
Tang KSCJ ya India Eastern aser North-Eastern region nung jenjang 6buba nung lir aser North-East nung Cotton College, Guwahati aser Pachhunga University College, Aizawl na sülenbo jenjang 3buba nung KSCJ lir.
NAAC indang grading system tasenba nung CGPA 3.01-3.50 anguba college nem grade A agütsür, 3.51-3.75 angur nem grade A+ aser 3.76-4.00 angur nem grade A++ agütsür. Ano below 3 points anguba college tem nem grade B++, B+, B, C mesüra D agütsür.
NAAC Peer Team-i 2017 April 11-12 nung KSCJ semdanga liasü. Peer Team nungji Jharkhand nungi Prof. Mohammad Raziuddin, Madhya Pradesh nungi Dr. K. N. Guruprasad aser Orissa nungi Dr. Gourang Chandra Mohanty nunger lir.
Iba dak sendakba nung KSCJ Principal, Dr. I. Anungla Aier-i stakeholders, talisa state sorkar, Governing Body Chairperson aser züngsemtem, Alumni Association, Parents-Teachers Association, Jotsoma nüburtem, tesayurtem, non-teaching staff aser KSC Students’ Union ajak dang amalitepa yaritepba atema pelaba metetdaktsü.