NAAC Peer Team-i KSC, Jotsoma semdangogo

Dimapur, April 18 (TYO): UGC-National Assessment & Accreditation Council Peer Team-i April 11-12, 2017 nung Kohima Science College, Jotsoma semdanga 2 buba cycle assessment agiogo.
Peer Team nung Chairperson ji taoba Pro VC, Ranchi University, Jharkhand Prof Mohammad Raziuddin liasü, aser züngsemtemji School of Life Sciences Prof K.N. Guruprasad, Viswa Vidhyalaya, Indore, taoba Principal, Khallikote College (Autonomous), Odisha Dr Gourang Chandra Mohanty aser Madhya Pradesh Devi Ahilaya (Member Co-ordinator) nungertem liasü.
Parnoki anogo ananü amungdang college-i Self Study Report nung zülua aliba ama facility balala semdanga liasü, ta KSC NAAC Steering Committee Coordinator, Dr Sanjay Sharma-i sangdong ka nung ashi.
NAAC Peer Team-i college Principal, IQAC züngsemtem, tesayurtem, staff aser kaketshirtem den ajurutepba sülen Higher Education department ketdangsertem, Governing Body, Nagaland University representatives, Alumni Association, aser Parents-Teacher Association dena ajurutep, ta Dr Sanjay Sharma-isa sangdong nung ashi.
Parnoki Exit Meeting ka agia semdangba tembang aser idangji Principal nem parnok indang confidential report agütsü, ta paisa shisem.