NABFA-i Generation Countdown Youth Ministry dang pelar

Dimapur, November 11 (TYO) : Namsang Area Nokti field Arunachal nung Nov. 6-8, 2015 tashi Vocational Training cum Retreat ka GCYM-i teyari ajak agüja kanga takok ngua agiogo.

Iba sentong ya Deomali Town Baptist Arogo centre ser agi aser Arogotem nungi youth delegates 73 tashi aden, ta Mr. Lanu Pastor DTBC-i sangdong ka nung metetdaktsü.

Namsang Area Nokti field Arunachal ya ABAM mission field nung Area ka lir. Tang iba Area nung Arogo 13 aser fellowship ka tenzüka lir.

Iba sentong indang omenji “Building Self Help” liasü aser GCYM staff tem Rev & Mrs C. Bendang Jamir, Director-i anir Mr T. Imo Jamir Missionary aser Mr. Moa Aier Missionary nungertemi Tsüngrem o tapet agütsüba den tanü lanurtemi tangar dak metaloki meli-i kodaser peisasa teka agi inyaka chiyunga taküm alitsü indang training nung tapu aika sayua angazükogo, ta sangdong nungsa shia lir.

Talisa Deobar tekülem sentep aser aonung senteptem nungbo tsürapurtem-a tena temoatsü tulu nguogo. Area nung iba ama training yabo tangang mezüngbuba asütsu südi. Iba sentong nung lanurtem jendi pei taküm Tsüngrem nem bendanga agüja tezüngzüktep yanglushi aser training nung adener ajak nem certificate of appreciation agüja temoatsü tulu ngua iba sentong shibang.

GCYM-i rongsen tulu den nübu tenla agüja onok shi aser tanela nung yariba asoshi Area arogopurtem pelaba sangdonger. Tsüngremi GCYM tali moajangma, ta Namsang Area Baptist church Arunachal tenüng nung Lanu Pastor DTBC-isa sangdong ajanga metetdaktsü.