NAC Open Supercross 2016 tetoktepba tembangogo

Kohima kübok Local Ground nung NAC Open Supercross tetoktepba nung takok angurtemi NAC aser FMSCI ketdangsertem den agiba arok noksa ka yangi angur. (Kohima, June 03)

Kohima, June 03 (TYO): Nagaland Adventure Club (NAC)-i ayonger külen Federation of Motor Sports Clubs of India (FMSCI)-i ketdangsüa agiba Open Supercross 2016 tetoktepba tanü, Hokolbar nü tembangogo.

Tanü nikongtsütsü agiba tetoktepba shibangba sentong nung tongti tesemdanger, Youth Resources & Sports Director, Asangla Imti-i tan tetoktepba nung takok angurtem nem sempet aser senpet sen agüja liasü.

“NAC-i tan tetoktepba temaba jenjang nung ayonga agiogo. Nagaland nung motorsports tetoktepba jenjang tajungba akümtsü. Naga lanurtem rong nung motorsports nung takok ngua shilem agitsü sempet tajung lir aser iba yongji, parnoki tetoktepba balala nung takok ngua temaba jenjang ajangzüktsü,” ta FMSCI nung tongti ketdangser, SPS Garcha-i tan tetoktepba tembangba sülen lemsatep.

Ano, NAC-i Nagaland aser tanga State-tem nung ayongba tetoktepba sentongtem ajunga FMSCI-i nungita yaritsü tenangzükba olen ka pai metetdaktsü.

“Tan tetoktepba takok ngua agitsüsa NAC den yariteper ajunga dang pela metetdaktsür. Tarutsü anogotem nung Nagaland nung motorsports temaba jenjang nung ayonga agitsüsa Nagaland sorkari motorsport asayadak renemtsütsü mepishir,” ta NAC Tir, Paul Rutsa-ia metetdaktsü.

Ano külen, 7 buba Horsepower Challenge tetoktepba taküm August ita agitsü renemba osang ka NAC Secretary, Burakum-ia metetdakogo.

Open Supercross tetoktepba nung takok angur tarensen yamai lir:

EXPERT CATEGORY

1st     : Suhail Ahmed- Bangalore

2nd   : Paominthang R. Vaiphei- Meghalaya

3rd     : Naylin Chowhin- Meghalaya

NOVICE CATEGORY

1st     : Monjur Ali- Assam

2nd   : Abhijit Pegoo – Assam

3rd     : Abdul Sahid- Assam

LOCAL CATEGORY

1st     : Amou Suohu

2nd   : Mesavilie

3rd     : Akhotuo Chuzho

OPEN CATEGORY

1st     : Suhail Ahmed- Bangalore

2nd   : Paominthang R Vaiphei- Meghalaya

3rd         :               Eugene Niangti –Meghalaya