NADA-i Dharambir nem küm 8 temerenshi agütsür

New Delhi, November 17 (Agencies): India nung tentetba National Anti-Doping Agency (NADA)-i ozüng alema tali tashi itshitsü mozü mora achiba ken o nung ajemdaker India nunger toktepa asemer, Dharambir Singh merenshiba osang ka tanü, Brehostibar nü metetdaktsüogo.
Taküm July ita 11 nü Bengaluru nung Indian Grand Prix Meet tetoktepba agiba mapang tendangba sülen 200 meter toktepa asemer, Dharambir-i ozüng alema anabolic steroid achiba osang bushiteta, NADA-i pa küm 8 tashi toktepa shilem magitsü temerenshi agütsüogo.
“Dharambir-i tan agi tanabenbuba tashi ozüng alema mozü mora achiba kuli ngutetba yong pa nem temerenshi mapang talangba, küm 8 tashi toktepa masayatsü temerenshi agütsüogo,” ta NADA kübok Anti-Doping Disciplinary Panel-i osang jangjashitsü.
Asayar ajunga tendangtsü atema ayongba mozü mora achiba tetendangba sentong nung shilem magiba ken o nung ajemdaker, arishi küm 27 tain Haryana nunger Dharambir ket nungi pai 2012 küm agizükba National Inter-State Championships tebur 100m tetoktepba gold medal-a tawa meyipa agiadokba osang angazükogo.