Nadal Argentina Open semifinal tongogo

Buenos Aires, February 13 (Agencies): Defending champion, Rafael Nadal-i Italy nunger Paolo Lorenzi madak takok ngua tang tasayadak Argentina Open tennis asayamong semifinal-i yashi, Hokolbar nü iogo.
Tan asayamong nung temaba jenjang abensang, Nadal-i yashi ghonda 1 ser minute 51 nung points 7-6 (7/3), 6-2 ngua Lorenzi quarterfinal asaya nung tsükdaktsü.
Taoba January ita asayaba Australian Open asayamong 1 buba round asaya nung külem sensopur, Fernando Verdasco-i tsükdaktsüba sülenbo tebur World No. 5, Nadal-i tan mezüngsüa tennis toktepa asayar lir.
Arishi küm 29 tain Nadal-i tan Brehostibar nütu Argentina nunger Juan Monaco madak 1 buba round asaya koka Lorenzi den quarterfinal asayatsü jenjang angu.
Nadal-i Austria nunger World No. 19, Dominic Thiem den semifinal nung ajuruteptsü.
Thiem-ia par quarterfinal asaya nung points 6-4, 6-2 ngua Serbia nunger Dusan Lajovic madak takok anguba sülen semifinal asayatsü jenjang ajangzük.