Nadal ATP World Tour Finals semifinal-i iogo

London, November 19 (Agencies): Tesüiba World No. 1, Rafael Nadal-i Britain nunger Andy Murray madak takok ngua tang tasayadak 2015 ATIP World Tour Finals semifinal nung shilem agitsü jenjang yashi Bodbar nü nguogo.
Spain nunger Nadal-i yashi ghonda 1 ser minute 33 nung points 6-4 6-1 ngua tan asayamong nung 2 buba jenjang abensang, Murray tsükdaktsü.
Tan takok anguba ya densema, Nadal-i par Group Ilie Nastase asaya anaprongla nung takok angur lir.
Ajisüaka, taoba mapang Grand Slam takok marok 14 tashi agizüksang, Nadal-i tanü tashi nung World Tour Finals takok marokbo ken danga agizüka mali.
Ano külen, Switzerland nunger Stan Wawrinka-ia tanü ghonda 1 ser minute 35 nung points 7-5, 6-2 ngua Spain nunger David Ferrer tsükdaktsüba sülen semifinal nung shilem agitsü jenjang anguba osang jangjaogo.