Nadal-i Monte Carlo Masters takok marok nguogo

April 17, 2016 : Tan Monte Carlo Masters, ATP World Tour asayamong semi final asaya nung Andy Murray madak takok angusang Rafeal Nadal-i ATP World Tour final asaya 100 ben tongteta asayaba nung tan agi 68 ben buba takok nguogo.
Arishi küm 29, Monfils-i double fault ka menaba ajanga mezüngbuba set Nadal-i akok saka ano tanabuba set bo Monfils-i akok. Ajisüaka gondha ana ser minute 46 buba nung tasembuba set koka Nadal-i world no 13 madak 7-5 5-7 6-0 agi takok angu.
Arishi küm 29 tain, Nadal-i tan takok anguba zünga clay-court nung küm 13buba takok angurba lir.
Tanü iba asayaba mapang, taküm February ita Rotterdam Open nung tanabuba jenjang nung takok angusang, Monfils ya Monte Carlo Country Club teloki kanga pusema liasü.
Aji oda süaka set point nung aliba mapang pai double fault menaba ajanga world no 5 Nadal nem mezüngbuba set kokdaktsü.
Tie break mapang Monfils-i kanga junga asayaba ajanga tesüiba mapang world no 1 Nadal kanga tebilemtsü kadakja liasü.
Nadal-i iba sülen kanga shisa ka asayatsü tenzük aser ibaji ajanga Monte Carlo takok marok 9 ben buba nguteta asayatet.
Iba sülen pa French Open nung asayatsü aser pai yangji 10 ben buba takok angutsü arshia asayatsü.