Nadal, Raonic, Serena, Karolina nunger quarter final tongogo

Melbourne, January 23 (Agencies) : Tang tasayadak Australian Open tennis asayamung nung Rafael Nadal-i Hombarnü France nunger Gael Monfils den kanga meranga asayaba ajanga takok ngua quarter final tongogo. 2015 küm nungi tang tashi nung pa atema ibai mezüngbuba Grand Slam quarter final lir.
Tang World No 9 aser Grand Slam 14 ben bena alisang, Nadal-i World No 6 Monfils den gondha asem shi asayaba sülen Monfils madak 6-3, 6-3, 4-6, 6-4 agi takok angu. Quarter final nung pa Canada nungi World No 3 Milos Raonic den asayatsü.
World No. 3 Milos Raonic quarter-final atongtsü atema Spain nungi World No. 13 Roberto Bautista Agut madak 7-6(6), 3-6, 6-4, 6-1 agi takok ngua liasü. Hombarnü tena gondha ana ser minute 51 asaya.
Grigor Dimitrov-i küm ana ser ta nung tan mezüng Grand Slam semi final tongteta lir. Melbourne Park nung pai Denis Istomin madak 2-6 7-6(2) 6-2 6-1 agi takok angu. Pa world no 11 David Goffin den semi-final asayatsü.
Tetsür kija asaya nung World No 2, Serena Williams tan agi 10 ben buba atonga atonga grand slam quarter tongogo. Lai 7-5 6-4 agi Czech Barbora Strycova madak takok angu.
Melbourne Park nung trok ben tashi takok marok ngua alila, Serena aser Britain tsür Johanna Konta na quarter final asayatsü. Konta-i minute 69 nung Russia tsür Ekaterina Makarova madak 6-1 6-4 agi takok angu.
US Open nung final tonga asayala, Karolina Pliskova-a Australia open nung tan mezüngsüa quarter final tong lir. Lai Daria Gavrilova madak 6-3, 6-3 agi takok angu.
US Open final asaya nung Angelique Kerber madak tamakok angula, Pliskova aser Mirjana Lucic-Baroni na quarter final nung asayatsü.
Tetsür aser Tebur meyokteper tarep asayaba nung Hombarnü India nunger Leander Paes aser Switzerland nungi Martina Hingis na quarter-final tongogo.
Paes o Martina nati Australia nunger Casey Dellacqua aser Matt Reid na Melbourne Park nung minute 54 agia asayaba sülen 6-2, 6-3 agi akok.
Asaya tepiyong nung tenati ace 6 aser winner 21 azük. Asaya peyong nung point 96 nungi 55 ngua tenati iba asaya akok.
Tanabuba asaya Mongulbarnü Samantha Stosur-Samuel Groth aser Darija Jurak-Jean-Julien Rojer nunger asayaba sülen takoker den tena asayatsü.