Nadal Rio Open quarterfinal tongogo

Rio de Janeiro, February 19 (Agencies): Spain nunger tennis asayar mongin, Rafael Nadal-i külem sensopur, Nicolas Almagro madak takok anguba sülen tang tasayadak Rio de Janeiro Open asayamong quarterfinal asayatsü jenjang nguogo.
Nadal-i ghonda 1 ser minute 40 nung points 6-3, 7-5 ngua World No. 53, Almagro tsükdaktsü.
Taoba mapang tongti takok marok 14 tashi agizüka alisang, Nadal-i Ukraine nunger Oleksandr Dolgopolov den quarterfinal nung ajuruteptsü.
Dolgopolov-ia Spain nunger Inigo Cervantes-Huegun madak takok ngua quarterfinal asayatsü jenjang ngua liasü.