Imphal, Feb. 06 (Agencies): Naga nunger den yimjung olemtep nung Centre-i Manipur nunger litsü medendaktsütsüla ta takhangba agüja Honibarnü Imphal nung nisung lakh ka den tema adenshia lungkak aitba sentong ka agiogo.
Manipur tarutsü atema ‘mass rally’ ji All Manipur United Clubs’ Organisation (AMUCO), United Committee Manipur (UCM) aser Committee of Civil Societies Kangleipak (CCSK) nungertem külemi ayongzüka agi.
“Tashi kechaia Manipur nunger telongjem raksatsütsü makok ta sayutsü nükjidong nung iba lokti sentong ya ayongzük” ta joint committee tanishirtemi metetdaktsü.
Naga nunger telungpur telok NSCN (I-M) den Centre-i ‘framework agreement’ agitepba anema Manipur nungeri iba sentong ya ayongzüka agi, kechiyong iba tenangzüktep nung state litsütem yanglushitsü onük dena lir ta osang angazüker, ta parnokisa ashi.
Tanü ayongzüka agiba Imphal rally nung lennirtemisa Centre aitsüogo.
Parnoki ashiba agi Centre-i Northeast indang onüktem süoki ia mebilemtsür.
Ano külen, Manipur nung Naga nunger tanishirtemi iba rally ayongzükertem aitsü.
Naga nungertanishirtemi joint committee lennirtem dang Naga nunger arrtsü nung tebang maitsüla ta metetdaktsü.
You must be logged in to post a comment Login