Naga Bazar & Headwinds telok na NSF prequarter-i iogo

Kohima, October 03 (TYO): Naga Bazar Youth Organization aser Headwinds Football Club Kohima telok nati tanü Honibar nü takok ngua tang tasayadak 16 buba NSF football asayamong pre-quarterfinal asayatsü jenjang nguogo.

Naga Bazar aser Kimho Jr. FC Kohima telok napronglai tanü mezüngbuba asaya nung goal ka danga magütsüteti atazüktsüba mapang tembangba yong takoker shimtettsü asoshi tie-breaker metsüteptsüsa aküm.

Tie-breakerji metsütepba sülen Naga Bazar teloki goal 3-2 agi Kimho telok madak takok angu.

Headwinds teloki goal 1-0 agi The Quasar Club Kohima telok madak tatembangbuba 2 buba round asaya koka pre-quarterfinal nung shilem agitsü jenjang angu.

Quasar defender kati par D-Box telung nung pa teka agi ball dak kongshia aibelenba yong Headwinds teloki free kick metsütsü maongka angu.

Aji oda, Vilazolie Rio-i asaya tenzüker minute 33 buba nung free kick takok ngua metsüba yong par Headwinds teloki tanü goal 1-0 agi takok ngua liasü.

Ano külen, Chelsea All India Supporters, The Naga Blues telok aser Organising Committee na tsüngda exhibition asaya ka asüng, October 4 nü asayatsü ayonga lir.

October 5 nü asoshi asaya yamai alitsü:

Khulioh King, Tuensang vs The Tribal FC Kohima @ 12:30 pm

Barak FC Peren vs Country Boys FC @ 2:00 pm