Naga ceasefire küm ka apuloktsür

New Delhi, April 15 (Agencies): India sorkar aser National Socialist Council of Nagaland (Neopao Konyak/Kitovi) (NSCN/NK) o National Socialist Council of Nagaland/Reformation (NSCN/R) tsüngda ceasefire April 28, 2019 nungi tenzüker küm ka atema mapang apulokogo.
National Socialist Council of Nagaland/K-Khango-ia Hombar nungi küm ka atema India sorkar den Ceasefire Agreement tasen ka agiogo, ta Ministry of Home Affairs (MHA)-i metetdaktsü.
Ceasefire Agreement tasenba aser Ceasefire Ground Rules meyipa reprangshiba nung MHA Joint Secretary Satyendra Garg-i India tenüng nung aser NSCN/K-Khango nungi Newell Naga, Supervisor aser Michael Yeptho, Member nati sign asü.