Naga Council Dimapur-i aitsür

Dimapur, Aami 05 (TYO): Blue Hill area, Golaghat road, Dimapur nung Aami/June 04, 2018 nü lanur asem – Tateutui Newme, Tia Sangtam aser Hori Teron – tepsetba atema khukhua aitsür, aser iba ajanga yimti nung temzüng ozüng shidak maliba sayur, ta Naga Council Dimapur ajanga sangdong ka nung metetdaktsü.
Dimapur nung iba amala mapa tamajung inyakba ajanga nüburtem ajak aoksateper aser state tezülen nungi arua Dimapur nung iba ama nisung tepsetba mapa tamajung inyakba tali züina akümba ngua Naga Council Dimapur saksalemeshir, ta kasa sangdong nung shia lir.
District Administration aser ozüng amshirtemi tekeratiba nung aibelena alir pua temzüng nung aliba ama tapet temerenshi agütsütsüla aser iba ajanga asür kibong aser Dimapur nung aliba nüburtem anisüngzük angutsü aser, ta Naga Council Dimapur nung tongti zülur, Thsapongkyu Sangtam-i kasa sangdong nungsa ashi.
Naga Council ajanga asür kinungertem den asükhu lemsar, ta kasa sangdong nung lemsatep.