Naga Council Dimapur-i pelar

Dimapur, Luchii (December) 15 (TY): GPRNNSCN (IM) nung Vice President asür Gen (Retd) Kholi Chetkoh Konyak nem tetushi agütsüba sentong nung shilem agir ajak dang kanga pelar ta Naga Council Dimapur (NCD)-i metetdaktsü.
Arunachal Pradesh, Assam, Manipur o Nagaland nungi Civil Society teloktem aser tentet balalai mapang agüja iba sentong dena o jembiba ajanga tesentepertem ajak mulung süngzükdaktsüogo, ta NCD-isa ashi.
Asür Gen (Retd) Kholi Chetkoh Konyak indang mang par tasoyim tonga bener oa marem tashi nisung ajaki yariteptsü mepishir, ta parnokia shisem.