Naga Council senden amen

Dimapur, Yimpoksüi/November 22, 2019 (TYO): Bodbarnü (20.11.19) Naga Council, Executive senden agia liasü. Iba senden agiba mapang, November 25, 2019 (Hombar) anogo nübudok mapa den külemi, Dimapur nungi km 2½ shi pila orr aliba Zani yimtsüng nung New Naga Cemetery site tesem reprangdangtsü asoshi telemtetba agia liasü.
Anungji, iba nübudok mapa tamakok maludaktsüi shilem agitsü asoshi tribal councilor 19 ajaki nok bener arutsü mepishir.
Anepdang Councilor Zion hospital lenjem tesem nung anepdang 9:00 ako nung adenshitsü aser anepdang 11:00 ako chi chiyungtsü ta NCD Tongti zülur, Wb. Thsapongkyu Sangtam-i sangdong ka ajanga metedaktsüogo.