Naga Entrepreneurs Conclave akatsü

Dimapur, November 01 (TYO): Lisopur shishilembartem sabang ka kübok longjemdaktsütsü nükjidong nung “Support Local” omen nung ajemdaker November 17-18, 2017 anogotem nung Urban Haat, Dimapur nung Naga Entrepreneurs Conclave (NEC) sentong akatsü; iba sentong ya Dimapur Deputy Commissioner, Dimapur Kesonyu Yhome, IAS-i lapoktsütsü.
Iba sentong ya Native Trends Nagaland (NTN) den Ethnic Trendzanda-i yaritepa aser Dimapur Municipal Council (DMC) den Business Association of Nagas (BAN)-i nungita ayongzüker.
Bodhbarnü osangbenertem den jembidang iba sentong ayongertemi, market nung lisopurtem nem maongka wazüka yutsütsü nükjidong nung social entrepreneurs telok kati NEC ya ayongzük, aser iba ya ajanga lisopurtemi yanglutetba osettem aser service balala jangjateta nübur aika ayimjemdaktsütsü.
Form ji Garden, Super market aser World of Titan, Church road, Dimapur nung angutsü aser registration agitsü asoshi tatembangbuba anogoji November 6 anogo asütsü.
Anogo ananü sentong nungsa stalls, business conclave aser entertainment alitsü.