Naga FC, Nerehema, Ziekezou & Khriekesa semi-final-i iogo ; Kohima district Capt (Late) N Kenguruse Tournament

Rural Development Advisor, Dr Nicky Kire den Capt (Late) N Kenguruse Football Tournament nung shilem agir asayartem Kohima Local ground nung tangokba yangi angur.

Kohima, Rongjui/September 3 (TYO): Assam Rifles puri ayongzükba Kohima district Capt (Late) N Kenguruse Football Tournament asaya nung Naga Football Club, Nerehema FC, Ziekezou FC aser Khriekesa FC nungeri pei tata asaya koka semi-finals tongtetogo.
Tanü quarter final tasembuba asaya nung Khriekesa FC puri goal 8-1 agi Agape FC madak takok angu. Küptonkü Ziekezou FC puri Rustic FC Thizama goal 1-0 agi akok aser Nerehema Village FC puri 5-2 agi Twenty XI FC madak takok nguogo.
Iba asayamung nung team teneti shilem agidar aser Naga FC pur bye ajanga indang indanga semi-finals-i ai.
Rural Development Department, Advisor Dr Neikiesalie Nicky Kire iba asaya nung tetushi tesemdanger ama arua aden aser pai asayartem dang asayar yimya tajungtiba benshia asayatsü ajungshi.
Rongjui/September 4 Semi-final asaya:
1. Naga FC vs Nehrema Vill FC @ 12Noon
2. Ziekezou FC vs Khriekesa FC @ 2:00 PM