Naga framework agreement atema kangabo shisa tebulu : Manipur Deputy CM

Imphal, March 29 (Agencies) : Centre aser NSCN (IM) tsüngda framework agreement nung keta aliba onüktem atema shisabulua mebilemtsüla, ta Manipur deputy CM, Yumnam Joykumar-i ashi.
Bodbarnü Hiyangthang Lairembi Development organisation indang calendar sayaba sentong ka nung jembidang Joykumar-i iba o ya ashi.
“Iba framework agreement atema onük aika adoka jembir. Manipur, Assam aser Arunachal Pradesh loksatsübaji kanga temela masütsü, kechiyong iba tensa jagi khuret aika adokdaktsütsü. Anungji, asenoki chichiba osangji metettsü atadi” ta paisa ashi.
Tawa NSCN-IM general secretary, Th Muivah-i Naga nunger aliba litsü ajak kongshitsü ta jembiba sülen Assam aser Manipur nung nisungtemi ola adoktsü tenzük.
Muivah-i iba onük jembiba atema Manipur aser Assam nung yimtenren teloktem aser civil society teloktemi Centre dang osang tejangja metetdakjang ta takhangba agütsü.