Naga Hoho aser NPCC-i asür Mankgo Phom mang ayimer

Dimapur, October 26 (TYO) : Social activist ka aser taoba ENPO tir, Mangko Phom ajungbena asüba osang angashia jashir aser par kibong den asüku lemsateper, ta Naga Hoho sangdong ka nung metetdaktsü.
Pa ketdangsüba mapang ENPO aser Naga Hoho tsüngda tesentaktep kanga junga liasü. Asür Mangko-i Naga nunger indang khurettem atema shisalen agüja mapa inyak. Pa asüba ajanga Naga nunger lennir tajung ka akoksaogo, ta sangdong nungsa shia lir.
Naga Hoho-i asür kibong den tejashi lemsateper aser Tsüngremi tashi, tesünep aser shisatsü moajang ta sarasademtsür, ta Naga Hoho Communication Cell sangdong nungsa metetdaktsü.
NPCC-ia sangdong ka nung, asür Y. Mangko Phom asüba atema jashiba aser asüku lemsatepba metetdaktsü.
Asür Mangko-i Phom nunger atema dang masü saka Eastern Nagas atema kanga nendaka inyak. Pa asübaji takoksa ulura lir. NPCC-i asür kibong den asüku lemsateper aser Tsüngremi tesünep agüjang ta sarasademtsür, ta NPCC Tir, K. Therie-i sangdong nung shia lir.