Kohima, Feb. 12 (TYO): February 6, 2016 nü Shamator aser Kiphire tsüngda mejangjatetba nisung kari apuani taochi melii tepsetba kukua aitsür, ta Naga Hoho sangdong ka nung metetdaktsü.
Parnokisa, iba lendong nung takoksa ajurur kibong den asüku lemsatepba osang metetdaktsüogo.
Iba tatalokba dak sendakba nung ajemdaker tesem balala nung mepetmesü adokba atema sasa bilemer aser telok balala tsüngda tesempatep madoktsü atema yimjung aser tesünep alitsü mepishir, ta Naga Hoho general secretary Mutsikhoyo Yhobu-i sangdong nung shia lir.
Naga Hoho-isa state sorkar dang mapang shitak nung mapa inyaktsü ajungmesor kechiyong February 6 lendongji tan mezüng ataloker masü, ta paisa shisem.
State sorkari apuani tepsetertem maitsü jangja aputsü aser ozüng tapet kübok temerenshi agütsütsü atema mepishir, ta Naga Hoho sangdong nungsa metetdaktsü.
You must be logged in to post a comment Login