Naga Hoho senden Oct. 14 nü alitsü

Kohima, Sept.10 (TYO) : Naga Hoho senden (Federal Assembly) October 14, 2015 nü alitsü lemtetogo ta tanü Brehostibar nü Naga Hoho nung Assembly Secretarym K. Elu Ndangi metetdaktsüogo. Iba senden ya July 1, 2015 nü alitsüba liasü saka nübo memedemba agi melitet, anungji October 14 nü alitsü lemtet ta paisa metetdaktsü.
Iba senden nung Naga kin shia nungi Naga Hoho temzüng nung shia aliba ama teshimtetpurtem den ‘Sub-ordinate Bodies’ aser Committee-tem nung züngsemtem ajak arua dendaktsüner ta kasa sangdong ajanga metetdaktsüogo.
Iba senden nung jembitsü asoshi tebilemba kar benoknüa lira, October 10, 2015 anogo tashi nung Speaker nem agüjang ta Ndangisa metetdaktsü.
Iba senden dak aketba nüngdak asoshi Assembly Secretary den 9856979856 (Mobile) ajanga tongtepratep sütettsü.