Kohima, May 24 (TYO) : Tan mapang tatsüka tsüngda Nagaland tesem aika nung yipru mopong tesashi aita kiojen aika raksatsüba ajanga nisung aika timtem tia nung lir, anungji itemji yaritsü asoshi NBCC ajanga telemtetba tajung ka agir arogo ajak nung temoatsü sentep ka nung tenla sen sarudaktsüner ta Naga Hohoi mepishia metetdaktsüogo.
Tang tashi nunga arogo aser lokti aikati yipru ajanga timtem takoksa ajururtem yariba nguogo, saka ano kibong aika peisasabo menokdaktettsüsa takoksa ajurua alinungji, itemji yaritsü asoshi arogo lenirtemi ano khen temulung agüja tenla bendena yaridaktsüner ta Naga lenirtemisa mepishia metetdaktsü.
Naga Hohoi arogotem dang timtemer yaritsü mepishir added by asungba on
View all posts by asungba →
You must be logged in to post a comment Login