Naga Hospital Colony nung angati medical camp ka agi

Kohima, June 10 (TYO) : Hokolbarnü Panchayat Hall, Naga Hospital Colony nung angati medical camp ka ayongzüka agi. Iba sentong ya Urban Primary Health Centre(UPHC), Seikhazou, Kohima ajanga ayongzük.

Sentong nung Naga Hospital Colony chairman, Vizetuo Solo-i o jembidang, UPHC Seikhazou-i angati medical camp ayongzükba atema pelaba metetdaktsü.

Sentong nung CRC Naga Hospital Colony traveling pastor, Kehoulelie Zatsu-i temoatsü meshia sarasadem aser Naga Hospital Colony Panchayat o Naga Hospital Youth Organization züngsemtem aden.

Angati medical camp nung Dr. Ao Meren Longkumer, MO, In-charge UPHC Seikhazou aser Dr. Senti Moa, Mobile Medical Unit (MMU), Kohima na den nurse aser health workers-i yaritep aser parnoki sugar /HIV, malaria aser BP nungertem angati screening test agia liasü.

Iba sentong nungsa Directorate of Health and Family Welfare-i LLINS(Mosquito net) lema agütsü.