Naga International Trade Centers Association (NITCA)-i China semdanger

Dimapur, Luroi (August) 21 (TYO): Tawa tasen tentetba Naga International Trade Centers Association (NITCA) züngsemtemi anogo 10 nü atema China semdangi oa lir.
Parnok tanü (August 21) Kunming International Airport atong aser parnoki China-i aobaji industrial visit atema lir.
NITCA-i industrial visit aobaji China nung shishilembartem aser company tem nungi angazüktsü aser sensaksemtsü alizüng lir. Parnoki village tourism, food processing, general construction development, hospitality aser IT/electronics related company tem den ajuruteptsü, ta NITCA sangdong ka nung metetdaktsü.
NITCA president Augustine Reading-i aniba telok nung NITCA Secretary General Kejaroko Pieru, NITCA züngsem Sweyiekul Zhotso aser Mokokchung Chamber of Commerce (MCCI) & Mokokchung Entrepreneurs Consortrium (MEC) lir, Tsukti Longkumer nungertem dena lir.
Parnoki Yunnan, Guizhou, Guangdong aser Beijing semdangtsü.