Naga kin 9-i Cultural Show nung shilem agi

December 2, 2019 nü Kisama Heritage Village nung Konyak cultural troupe-i prangpong amer yartsüngsanga sayudang agiba noksa angur.

Dimapur, December 2 (TYO): Naga Heritage Village, Kisama nung Hornbill Festival 2019 anogo ananübuba nung lanur aser taintemi pei pei kin sübotsütem agir Cultural Show nung shilem agiogo.
Hornbill festival nung Department of Art & Culture-i “Cultural Connect” omen nung ajemdaker sobaliba sentongtem ayonga agir.
Iba sentong nung Sericulture, Excise and Minority Affairs Advisor Zhaleo Rio-i Cultural Guest aser Woodstock International School, Mussoorie Dr. Craig Allen Cook-i Special Guest ama shilem agi.
Maneni, Tourism, Art & Culture Advisor H. Khehovi Yepthomi-i sentong nung Host ama shilem agi.
Tanü yartsüngsanger aser sobaliba kentener telok 9 tashi shilem agi.
Angami cultural troupe-i ‘Kuokelie Riilou’ ta ser takok anguba tsüngsang ka ia sayu aser Ao cultural troupe-i ‘Asem Atemba’ ta ser süngkong tema sayu.
Maneni, Chakhesang nungertemi ‘Phetha Zhe’ (bare-foot hop game) aser Chang nungertemi ‘Sualua Chea’ ta ser kentena tsüngsang.
Garo cultural troupe-ia ‘Ading Sala’ ta sobaliba saisapong ka ai aser Khiamniungan nungertemi ‘Poi Poi Mat’ ta ser aou kongji apua sayu.
Phom cultural troupe-i ali agi chipo yangluba sayu aser Pochury cultural troupe-i ‘Hitse Hitse’ ta ser tsüngsang.
Maneni, Rengma cultural troupe-i ‘Ma Kele’ ta ser mi apuba, Sangtam cultural troupe-i ken ka, Sumi cultural troupe-i ‘Apukhu Kishi’ (leg fight), Yimchungrü cultural troupe-i süngkong ka atsür arua sayu, Kuki cultural troupe-i ‘Jangchalam’ ta ser tsüngsang ka aser Zeliang cultural troupe-i ‘Nlei Nlap’ ta ser mi apua sayu.