Naga kin balalai sobaliba sayuba ajanga benjung meraketdaktsür

December 4, 2019 nü Kisama nung Union Minister of State for Tourism and Art & Culture (IC) Dr. P.S Patel aser GEM Hospitals chairman, Dr. C. Palanivelu na nem korang, nü aser nok agütsüdang agiba noksa angur.

Dimapur, December 4 (TYO): Hornbill Festival 2019 tenzüker anogo pezübuba nung Naga kin 17-i ‘Cultural Connect’ nung shilem agia liasü.
Tanep agiba sentong nung Lt. Gen. Rajeev Sirohi, AVSM, VSM GOC 3 corps aser DoNER Secretary IAS, Dr. Inderjit Singh nati tetushi süa jaokertem ama shilem agi.
Ano, nikongtsütsü agiba sentong nung Union Minister for State for Tourism and Art & Culture (Independent Charge), Prahlad Singh Patel aser GEM Hospitals Chairman, C. Palanivelu na aden.
Tanü Chakhesang cultural troupe-i ‘Phetho Lizo’ ta ser tsüngsang ka ai, Chang cultural troupe-i ‘Langa-Pu’ ta ser tzünglu jazükba ia sayu aser Garo cultural troupe-i ‘Gogripa’ mesüra ‘Chagripa’ ta ser sobaliba saisapong ka asaya.
Maneni, Ao cultural troupe-i ‘Aar Tsüngsang’ ta ser raraba tsüngsang ai, Khiamniungan cultural troupe-i ‘Thamchie Lou’ aser Angami cultural troupe-i ‘Nuopie pfhe’ ken aten.
Konyak cultural troupe-i ‘The Fearless Eastern Tigress’, Phom troupe-i ‘Monyu Asho’ tsüngsang aser Lotha cultural troupe-i ‘Ooo-Ha’ shilemtem agia liasü.
Yimchungrü cultural troupe-i ‘Langa Ching’, Kachari cultural troupe-i’Chotrolee’, Rengma cultural troupe-i ‘Tefü Kesü’, Sangtam cultural troupe-i metzü yangluba aser Sumi cultural troupe-i ‘Aphilo Kuwo’ tsüngsangtem sayu.
Sentong nungsa, Kuki cultural troupe-i ‘Lom-Lam’, Zeliang cultural troupe-i ‘Tingkong Rezai’ aser Pochury cultural troupe-i ‘La La Küjo’ ken ajanga shilem agia liasü.