Naga kin rongnung mezüng deacon shimba

~  Nükshi Aier, Dimapur.

Tenyartem Mapa 6:3-8 aser 1 Timoty 3:8-13 nung deacon shimba nükjidong aser mapatem asenoki lai nung azünger.
Alemli asen lima- nüngja kecha mejatetdang- tenem nung aliba tekolak bushiba kintem ta dang tangari tsübuseta liasü.
Iba ama tensa mapang ka nung anüngtsüng tatem külen nungi Rev. Dr. E.W. Clark-i taküm bendanga agüja- Tsüngremer sayatenya sentongtem ka sülen ka inyaktettsüsa Tsüngremi len aniogo- item rongnung kanga dang nüngdak, tongtibang aser mapa tajung rongnung ka- Molungyimsen Baptist Arogo nung tamang kateta- Nungshimangyang aser Bendanglemba na 19.08.1885 nung mezüngbuba deacon shimtet. Parnok arogo office nung inyakdaktsü.
Arogo nung deacon shimtetbaji ita atema dang shimtet. Aser nisung asem mesüra pezü dang shimtet. Arogo nung tashi maitba pur aser atsünga alirtem hapta shia parnoki kibong yaria temolung meyipdaktsü. Arogo nung atsünga alir aser suspend süa alirtemji anir arutsü deacon tongtibang mapa liasü. (Laishir Mungchen, Molungyimsen Baptist Arogo- Pg. 57-58)
Tensa mapang den apet nüngja jibo melen angko saka iba olung- deacon ya jateta Baptist arogo ajak nung maparen tapu aika inyaka aruogo.