Naga Lima Yimjung Tensa

~ I. Zülu Pongen, Mongsenbai Ward.

Tanü Naga lima tensa tajungba, tangatetba nung nüchiso bushir Nation workers ajaki tangatetba ka nung longjema arutetba ya Tsüngremi amangbapur sarasadem langzüba temaitsü ka lir. Taoba küm tashi nungbo telok kati inyakba telok kati aitsüasa aru aser magizüktet. Saka Naga lima nüchiso tebilemtsü ya Home Affairs (Delhi) nung bener arunungji joko tanga country nungi shingaia teka aittsü mekoki aküm nungji asenoki tang Indiai kechi ashir aji angatsüsa akümer. Saka asenoki sovereignty ji munguaka wako aser Constitution bo balaka asütsü meshitsü mepishia akhangba ama Indiai lenchi-i arua melaogo ta angazüker. India nunger kübok tang süaka aji tanga nguteterbo asenok ajaki hai-haura kaa pelalaba. Aser Nation Worker party balala shiai telongjem tangatetbai aruba ya party ajaki mulung südi ta imlaa amanger.
Nation workertem ajak longjemaka political party NDPP, NPF aser Congress item telokbo ano rara manenba paper nung angur. Alima raksaba ya item ajanga adoker südi ta bilemer aser sasaseter. Koba party südir süaka ajemalua tazüzükba makartemi kodanga alima tesünep bener marutettsü. Telok kati mejungi bilema o tekerak bener aruaka aser aitsüka alima ajungtsü asoshi tai mebushii aremzükra alimai angateta tang lirji kecha masü. Iba telongjem nung yimjung bener aruba nung yabo pei-pei temeden mebushi-i alimasanger ajak den telongjem nung ya ajem-ajema arua tenangma ta mepishia zülur. Tazünger ajak moajangma.