Naga lokti tentettem senden alitsü tesem melenshir

Kohima, Aenjeti (January) 23 (TYO): ‘Election magidang yimtenren onük latettsü’ onük nung Co-ordination Committee of Naga Civil Societies rongdak senden ka Aenjeti (January) 25, 2018 anepdang 10:00 ako nung ayongba sendenji, shilem agirtem atema tesem tajungba apir tesem melenshia Hotel Japfu, Kohima nung amentsü lemtetogo, ajisüaka tanga sentongbo ajak tamalen sangdongba ama asütsü, ta tanü NTC, Naga Hoho, ENPO aser NGBF lenirtemi sangdong ka ajanga metetdaktsü.
Iba dak sendakba nung Nagaland nung recognized yimtenren party ajak nungi züngsem anana, Nagaland nung Naga Tribal Organisations ajak nungi züngsem asemsem aser Naga Civil Societies ajak nungi züngsem asemsem adentsü metetdaktsür; iba senden ya kanga tongtibang, ta tangatetba nung stakeholders ajak shilem agia adentsü mepishia metetdaktsür, ta kasa sangdong ajanga metetdaktsü.