Dimapur, Luchii (December) 11 (TYO): December 12, 2018 nü District aser Sub-Divisional Headquarters ajak nung Nagaland GB Federation (NGBF)-i “Peace Rally” ayongba Naga Mothers’ Association (NMA)-ia posema nungiter ta metetdaktsü.
Naga yimten tebilemtsü atema nisung taküm aika laluogo aser onoki yimjung aser telingjem aginür. Asen lima nung yimjung bener arutsü atema onoki mapang talang ka inyaka arur aser akokba tashi inyaktsü, ta NMA President, Abei-ü Meru-i ashi.
NGBF-i ayongba “Peace Rally” nung NMA kübok unit ajaki pei pei headquarters nung shilem agitsü metetdaktsür, ta laisa ashi.
Naga Mothers’ Associationi “Peace Rally” posema nungiter added by nungsang on
View all posts by nungsang →
You must be logged in to post a comment Login