Naga nunger anati Padma Shri award angu

Kohima, Aenjeti (January) 26 (TYO): Padma Shri awards 2018 angur nisung 73 rongnung Nagaland nungia Lentina Ao Thakkar aser Piyong Temjen Jamir na densema lir.
Osang angazükba agi, Gandhi tangatetba nung anidaker, Lentina-i küm aika Mokokchung district kübok Chuchuyimlang village nung aliba Gandhi Ashram nung tenzüka aruogo, aser la mapa tajung reprangteta iba sempet agütsür.
Ano Padum Pukhuri, Dimapur nung aliba Rashtrabhasha Hindi Shiksha Sansthan Principal, Piyong Temjen Jamir nema Literature & Education atema iba award agutsür.
Wt. Lentina ya Gandhi tangateba nung anidaker aser lokti nung temelenshi bener arutsür, Natwar Thakkar den kibong akum.
Padma Awards ya linük nung temaba civilian Awards rongnung ka lir, aser iba award ya shilem asem- Padma Vibhushan, Padma Bhushan aser Padma Shri lir, ta kasa osang ajanga metetdaktsü.