Naga nunger azü takang Alokba Delhi-i ao

Alokba : Tulur!!!! Ni ne den nüngdak aika jembitsü arur ako!!!
Tulur : Ne tenüng shiba? Kong nungi aser kechi kin?
Alokba : Ni ya table manung molok ajungketa ayu amai Naga nunger rongnung tulur ALOKBA lir.
Tulur : Tenüng züloktsü atema, ne ID card kua?
Alokba : Onok ID cardji noknü (itemji dang)!
Tulur : Süra, ne AADHAR Card kua?
Alokba : Onok Aadharcard khenyongi menüngdaker.
Tulur : Ano, PAN card-a koda ?
Alokba : PAN card-a mali,  Tamul Card-a melika!!
Tulur : Süra driving licence danga lir na?
Alokba : Ni kinungtsü dang anishirji la nungi kechi licence angutsüaka!!
Tulur : Mesüra light bill danga bena lir mali?
Alokba : Light jia yiloka dang agir.
Tulur : Nai kecha maben süra Yoga danga angazüka lir mali? Mesüra Hindi ken kar tena Tsüngsanga sayuangjo?
Alokba : Aka-ka-ka!! Onok Naga nunger azü takang, anungji nenok Tsümar yimya khenyongi mamshir aja!!!
Tulur : Süra nai bena aliba senji shir meyong?
Alokba : Yabo Tsüngremi moatsüba rongsen.
Tulur : Sürapangla Alokba, ner Tsüngrem dang nüngdak ajungaji asüngdangang!!!

Lilir: I. Kilang Ajem, Indisen, Dimapur.