Naga nunger dangi

~ T. Lima Tzüwar, Ungma, Impang, Artang ward.

Tamasa iba paper azünger ajak dangi küm tasen salem abener. Iba den asen TeyanglurTsüngremi anema yutsüba asoshi Pa tenüng asanger.
Temeim Nagatsür Naga nunger aser asen Aotsür Aor nütsung nübur amangbapurtem iba küm tasen nung ajemoka arudang Nagatsür-sang Naga nungera sang asen Aotsüra sang Aor-a sang pei mulungjang koba tashi temelenshiba lir. Tasür ka sür Tsüngremi arishi moatsürtem koda tepelatsü. Ajaki asen Teyanglur Tsüngrem tenüng asangtsüla. Asüküm malitsüla, ngasangatem malitsüla tenük merem malitsüla, arishitep malitsüla, asenok kati ka arishitepba ngasangatemtepa tsükjitepa aliba agibo kodanga asen Naga lima ya meyanglushitettsü aser memelenshitettsü. Anungji Nagatsür Naga nungertem aser Aotsür Aortem, kanga shisa kangma aser bilemtangangma aser kanga tangatetba nung asen Naga lima ya Khristan lima ta angatetta naji Khristan tajung ka ama ochi tamang aser pei tanüla ajak agi asen lima tera melenshitettsüsa tepang temeli agi koma jembizüker yamaji pei mulungjang nunga alinung tang asen Naga lima ya ajungtsü aser melenshitetsü aser yanglutettsü. Saka tepang nungi o kazükba aser temulungjang nung bilemba na balala süra iba jagi asen Naga lima ya kodanga merenloktsü aser memelenshitettsü aser meyanglushitettsü. Tepang o agi jembizükba aser mapa aser temulungjang ajakji balala asüba agi asen Naga lima ya majunger aser iba ajanga asen lima ya raksar ati. Ochi mashi agi pei ki yangluba aser ochi mashi gari (car) alitena ayuba agibo terenlok ta ajatsü makok, anungji tamasa pei temulungjang melenshitsüla.
Anungji asen Naga lima nung aliba nütsüng nüpur tajungtem naji, niji, laji mesüra paji tamanger tajung ka ama asen Naga limaji Khristan lima ama Tsüngrem akhüm tsübua Pa tsüngsü nung jajayonga aotsü aser mapa agi ochishia inyak yonga aotsü merangtsüla. Aji asünung tang asen Nagalandji shitakba Khristan state ta ajatsü temsütsü aser Nagaland Khrista asoshi ta jatettsü asünung Ministertemi-a sang, MLA temia nutsüng nüburtemia sang iba küm tasenba nungbo pei melungjang melenshir asen Naga lima ya melenshidaktsüdini ta ayongzüker.