Naga nunger James-i Grammy Award nung tokteper

New Delhi, October 20 (Agencies): International Music and Entertainment Association Award takok angur, Nagaland nungi James Basnet 58buba Annual Grammy Awards ballot mezüngbuba round-i tuogo.

Tang tashi nungbo pa nominate süa mali, ajisüaka iba Grammy nung Contemporary Christian Music Performance/Song, Best New Artist, Song of The Year aser Record of The Year category tem nung pa tokteptsü.

Contemporary Christian category nung James Basnet-i gospel kentener nüngtugu Chris Tomlin, Hillsong, Matt Redman aser Michael W Smith nunger den tokteptsü, aser tanga category tem nung pai alima nung nüngtugu kentener Beyonce, Justin Bieber, Lady Gaga aser Rihanna nunger den tokteptsü.

58buba Annual Grammy Awards ya October 1, 2014 aser September 30, 2015 tsüngda sayaba kentem nung agir.

Submission 21,000 bentetba sülen Recording Academy-i voting members nem mezüngbuba round ballot agütsüogo, aser parnoki taruba ita taküm küm atema nominees shimtsü. Mezüngbuba round ballot ya industry nung mongin 200 dak temai tentetba screening committees lir, aser parnoki ken angaa category 83 aser field 30 lemdangtsü.

Grammy nominations ji December 7 nü sangdongtsü aser award show ji February 15, 2016 nü Los Angeles’ Staple Center nung agitsü.