Naga nunger koleni aor

– I.Temjen Jamir

Laishiba nung ozüng 633 lir, aser ozüngtem shia jagi (a) tai (b) temenen aser (c) atakatem balala indang tuyur. Tai tila teri 490= (70×7) indang tuyur. Tanabubaji temenen indang ashir, item temenenji tapu 91 Yisui kangki nung angenlokogo. Saka atakatem koba dang temenen tesashi ta ajar yabo ano bakhi (sentsüh tsüa aliba) 52 lir. Iba atema mozüji Yisu dak amangertemi anogo 52 küm ka nung bendanga agütsü nung dang Tanela kümzüktsü akok. Shibai atakatem benshidir pa dak shih nung mang ayangtsü aser pa dak mang meyangra tanurtem aser semchirtem dak mang ayangtsü. Iba ozüngji nong, teinyak ta ashiba ozüngi atakatem tuyur.
Aori tsüngrem 67 külema liasü aser tsüngrem shia among kaka monga liasü. Item rongnung tsüngrem 15 dak amanga walok aser item walok dang sübong, changbong aser nashi pongji pongmen maket agisa walok. Iba shiji shiri waloker parnoki machi, saka tekülemi arua yar tsüngsangertem lema achi. Saka tsüngrem 52 kodang külemdir Ak, An aser entsü agi külema kimangtem jaoka yongyar. Iba tsüngrem 52 jagi küm nung anogo asem nü monga par Lijaba, Anungtsüngba aser Longditsüngba waloka meshiteta among. Iba among dang tsüngremmong aser Longditsüngba mong ta ajar. Meimchiri aji angazüka tsüngrem mong maonger, ya temeshi among asüba agi alartem den chioka amonger. Iba tsüngrem 52 nunggi tenem ozü (Hornbill) mali.
India Sorkari India lima ajak prongla ‘Hinduva’ kümdaktsütsü meranger, one mission one development, aji agi Deobar ya sports saiba anogo, Easter Sunday, mother’s day, father’s day, Christmas day ajak Hinduva nüngja jaloktsüogo. Article 371 (A) yangi sobaliba wazüka ayutsü shisema lir, kodang Nagaland nung kin balala sobaliba tsüngrem among ajak Tenem ozü (Hornbill) benjung agi melena mongdir, tamang among melen aser sobaliba ajak Hornbill mong ta südir Article371 (A) Nagaland Assembly ajanga endoktsü mepishia zülura Indian Parliament Lok Sabha aser Raja Sabha na prongla nung ashishitepa jembir indoktsü akok. Aji oda asenoki 1972 nung 16 point nung aliba “External affair” ta aliba “Home Affair” ta melenji tanüngba tanga Nagaland Assembly ajanga amshiteta aji takok tulu süla. India Independence ngur state 29 lir, item rongnung J & K no article 370 indoktsü atsüteper süra asenoka koda(?) Yisui tebang nung yi, sen aser atakatem mangümer sarasademba maginer. Anungji shingai süngyanglu dak soiter tesarasadem.