Naga nunger Liyim

– N. Imo Longkumer

1. Govt.mapa balala appointment agütsütsü saka ita sen magütsütsü. Kodang nübor ajaki meteta lungkak aitdir idangji terara agütsütsü.
2. Department balala nung workcharge nung inyaker shimtena lir aser karbo küm 30 tema inyaker saka pension benefit atema regularize mesütsür, anungji mapa nung anennü nungji kibongji okrunger.
3. Department kar nung nübor indang tim mesüi sen jenti agiba puteter aser ola adoker saka iba atema temerenshi kecha makai tanemi anena ola maka (oblivion) akümer.
4. Nisung karibo temaba teyari amshia külem medemer kenü yongi Govt. mapai aiba (same batch) ajemzüka doktsür promotion angur aser iba atema Tsüngrem nüng asangba tepela osang paper ajak nung adoktsür.
5. Pei-i melinüba tesem nung posting agütsüra mesüra transfer adokra shingaia maor saka pei molung agi temelen shima yutsür, anungji nübor taginüba matonger.
6. Nisung karbo department ana-asem nung appointment ngua ita sen agitsü meranger aser agir.
7. Arogo, Mungdang aser lokti balala nung nisung 10, 20 bendang lima repranga senzütsü sen sanction magütsütera ibaji pi awashi mangu tangar memenep telok ta züngshir.
8. Govt. nungi sanction ngua pei sen mesüra loan tera agizüktsüsa aküm nung office table balala ajangdang süngojemtsü meshiba nung agütsümar chiyungdang achitsübo manünger.
9. Sadiba Wedding Card jenti menüngtsü aser tejakbo mangu saka tenüng angashiba ajak dangi Cardji lemshitsü.
10. Alima ainer aser iba sülen aoer asünung nisungtemi Gari tapu balala aliteper, aji kanga tajung saka pei kecha maka sür tangar chilo ajia sen apudena Gari aliba tebilemtsü tulu. Ibaji maintain asütsü atema tulur mesüra takar kar ajanga süi majung totzü tera enokjang ta anishir.
11. Lokti mapa tulu atemzüker iba atema yimer saru mesüra donation aruba tenüngbo paper nung adoktsür saka senbosa makar.
12. Arogo mesüra lokti kari project kar inyaktsü lemtetra, iba telokji meshimetsür tulutiba akümer.
13. Post matric scholarship atema kodang züludir tsürabur tulur, takar ajak sensakpu tesa akümer.