Naga nunger masürtemia ULBs atema tenüng agüja lir : CNTC

Dimapur, January 13 (TYO): Nagaland den kidanger state kar nungi non-Nagaland Naga nungeri ULB elections nung tokteptsü atema tenüng agüja lir, anungji ULB elections magitsüla, ta Central Nagaland Tribes Council (CNTC) sangdong ka nung metetdaktsüogo.
Tetsür nem shilem lemzükba nung maongka agia, Naga nunger masüba nisungtemi tenüng agütsüba atema sasa bilemer. Anungji, colony tem aser yimtsüngtem nungi GBs/Chairmen-i Naga nunger atema lendong keta aliba maparen kanga junga tenük yoka mittsü ayongzüker, ta Media Cell, CNTC sangdong nungsa shia lir.