Naga nunger NGO tem tanü asüngbo New Delhi-i Project scheme bushi- maoba atema Master Alokba dang pa medemer anati asüngdanger

Mr. Demo : Master Alokba ! tanü asüngbo kodasür Naga nunger NGO-tem ya New Delhi-i project Scheme bushi tu maor?
Mr. Bobo : Master Alokba, kasa oji kenübo nü dang asüngdangtsü ta nia bilema liasü, kechiser parnok tu Scheme tabu balala bushi-ibo maor saka gari-a tasen alibet dang alir aser ki-a tasen ya süpet dang asür, Ya kechi tasa?
Master Alokba : Nena ya Nagaland nung malir no? Item Project Scheme ajak tu tanü asüngbo Kohimai arua lir tu. Nena kechi süa kazür?
Demo & Bobo : Sir, sürapangla itemji kodasür bushitsü- ar küna danga lemang ka sayuangma.
Master Alokba : Iba mapa bushitsü ya kecha tasak masü. Nünati Deptt. kar nung Ministerbai chiadokba sen report kar bushiang aser iba osangji Local News paper ka nung adokdang jang aser ata-a liang. Anogo ishika lir külen nüna dang telephone ajanga osang ka arutsü aser iba osangji kodang angashidir idangjisa nüna lakkh pati kümer alitsü ta metetang. Parnok amaji nünata ki-a sütedtsü aser gari-a tasenji alitedtsü.
Mr. Demo : Temba Bobo! Ana ya langara- ka mejanga liago. Arung, anata apusodi. Saka Master Alokba dang tama thank you shidi.
Mr Bobo : Thank you Sir Alok, kanga dang pelar kechiaser nai küna dang temoatsü lemang sayuogo. Tsüngremi na moajang.
                                   Lilir : S. Medem Kichu, Lerie Colony, Kohima.