Naga nunger nüchiso atema alokba o sobangba nati pelokbai jembiba aitsür

Sobangba         :    Kapo Alokba Kechiba yamai arong aronga ola tulo adoka ajeper ya?

Alokba               :    India kübok malitsü ta sür asen Naga nunger nüchiso bushir joko küm noklang jungti asür aji saka Pelokbai Naga nunger atemaji sen aser development dang bener aru nung Naga nungerji jungadoktsü, ta ashiba agi ni ajeper aja.

Sobangba         :    Kapo Alok sürapangla nai-a kechi shitettsü?

Alokba               :    Kapo na asen Naga nunger nüchiso bushiba ya ngura Naga nunger wako aser temzüng tenaji alitsüla saka anaji melira India küboksa Naga nungerji lilanglong aji agi ni shisabulur.

Sobangba         :    Kapo nai ashiba nungji nia semloka ojang ka shidi, tang mapang ya India nungeri Naga nunger mesüzüka Naga nunger kibong shia minister ka ka aser hon long ki sünga agütsütsü, ta mesüzük nunga khenyongi magizüktsüla, ta nia shisemer ati.

Alokba               :    Kapo ano yasüng pongmangba ka shidi- sarasademer mejang nung nüchiso to masü India küboksa alitsü renemogo, ta pongmang nungji angu aja, aji sür mapang tatsüka dang lirbo Hindu nungertemi Naga nugner Tenla Ki ajak nung mi senloktsüa rongya angu aja.

Sobangba         :    Ayaya Naga nunger aji chiang sen kanga meimer Minister kanga kümnür India nunger küboksa alar süasa alitsü ati aser tetsüi aso mashi litetogo.

Lilir : P.S. Jamir, Dimapur.