Naga People’s Front COB nungi Shilumar tenüng agiener

Dimapur, November 22 (TYO) : Naga People’s Front nung Disciplinary Action Committee (DAC)-i Associate Press Secretary (Central) Shilumar tenüng Central Office Bearer (COB) nungi agiener, ta NPF Tir, Dr. Shürhozelie Liezietsu-i sangdong ka nung metetdaktsü.
Shilumar-i Central Office Bearers senden nung asemben tashi atongtepa madenba atema DAC-i pa nem show cause notice agütsü saka pai kuli tejangja magütsütetba atema DAC-i ita ishika pa dak tenük yoka aru, ta NPF Tir sangdong nung shia lir.
DAC-i pa dak tenük yoka arudang, pai party anema mapa inyakba kulitem angu aser ano paisa party nung Primary aser Active Membership renew masü. Iba nung ajemdaker, NPF temzüng nung aliba ama COB nungi Shilumar indang tenüng agiener, ta Dr. Shürhozelie-isa sangdong nung metetdaktsü.