Naga Shisha Hoho küm 25 ajungba sentong agitsü

Kohima, December 4 (TYO) : December 6 & 7 anogotem Naga Shisha Hoho küm 25 ajungba atema tenüngsang agütsüba sentong agitsü.
Iba sentong ya Phek district kübok Naga Shisha Hoho Prayer Centre, Kutsapo nung agitsü aser sentong nung o jembirtemji FNR Convener Rev. Dr. Wati Aier, Senior Auxiliary Secretary The Bible Society of India Rev. Dr. Z.K. Rochill aser Chakhesang Baptist Church Council executive secretary Rev. Dr. Vezopa Tetseo nungertem asütsü.
Sentong nungsa Rev. Dr. V.K. Nuh-i salem osang abenba den nüngo sayatsütsü, NMA president Abei-ü Meru-i salem osang abentsü aser Naga yimten telok balala nungi lennirtemia o jembitsü.
Iba sentong nung Naga political groups, FNR, Naga Hoho, NMA, NSF, NPMHR, ENPO, NTC, CNTC, ENSF, arogo lennirtem, tamangtirtem ajak arua adentsü pelashishia jaoker, ta Naga Shisha Hoho-i metetdaktsü.