Naga tsür Tsungchetrenlai India boxing team coach asütsü

Dimapur, August 7 (Agencies): Boxing association of Nagaland atema tajungshiba ka amai state nung Tsungchetrenla Tzudir tangar asem den youth India women’ boxing team coach asütsü asoshi shimogo.
Naga boxing coach Tsungchetrenla ya tang department of Youth Resources and Sports, Kohima nung teinyakdak lir aser Guwahati nung November 19 nungi 26 2017 tashi akatsü aliba AIBA Youth Women World Boxing championships nung shilem agitsüba India national boxing team nung denalir, ta osang ka ajanga metetdaktsü.
Tsungchetrenla Tzudir dena coach pongu, boxer 18, Pysio ka aser masseur ka ta Kazakhstan-i July 24, 2017 nü anogo 14 training aser tetoktepba atema ao. Iba tetoktepba ya July 25 nungi August 7 2017 tashi kaogo aser parnok Kazakhstan semdangba tembangogo. Tetoktepba nung India tsür boxer tem tashi taitba asü, ta osang ajangasa metetdaktsü.
Maneni boxer 10 aser Tsungchetrenla Tzudir dena coach pezü ta August 8, 2017 nung Kazakhstan nungi Serbia-i aotsü. Serbia nung youth India women’ boxing team pur 6buba golden gloves of Vojvodina competition nung shilem agitsü. Iba tetoktepba ya August 9 nungi 13 tashi akatsü.
India tsür boxer tem arishi küm 16 nungi 18 tsüngda nung alirtem Europe indang tetoktepba tulutiba nung shilem agitsü. Iba tetoktepba nung linük 15 nungi asayar 200-i shilem agitsü.