Naga United Village nung SBI branch ka lapokogo

Dimapur, Metsüremi/March 15 (TYO): SBI Managing Director, Northeast Circle, Vincent Menachery Devassy-i March 15, 2024 nü Chümoukedima district kübok Naga United Village nung State Bank of India indang branch ka lapokja liasü, koba northeast circle nung branch 814 buba alitsü.

Iba branch tasenba ya yangi rongsenketzüng terenlok asoshi temelenshi arudaktsür ka ama alitsü, ta Managing Director Vincent-i ashi.

Nagaland nung SBI branches 72 lapoka lir aser state nung bank maparen shilem 60 dak tema SBI ajanga inyaker, aser ibaji ajanga state aser national development atema SBI ajanga bendanga agütsür inyakba sayur, ta pai ashi.

Iba branch ya ajanga mutual funds, insurance aser credit cards amala facility agütsütsü, ta ashi.

EAC Chümoukedima, Kevethito Rose-i nüburtem dang bank den amalitep akatsü ayongzük aser SBI dang mapang shia Financial Literacy camp tem ayongzüka akatsü ajungshia liasü.