Naga yimjung maparen atema senden amentsü

Dimapur, December 11 (TYO): Nagaland Legislative Assembly Speaker-In-Charge aser Joint Legislators’ Forum on Naga Political Issue Convener, Sharingain Longkumer-i December 13, 2019 nü Naga yimjung maparen atema külem senden ka amentsü jazükogo.
Sendenji anepdang 10:00 ako nung Rhododendron Hall, Police Complex, Chumoukedima Dimapur nung amentsü aser Naga yimjung olemtep tiptema lemtettsü atema onüktem benoka lemsateptsü, ta sangdong ka nung ashi.
Iba senden nung 13 buba Nagaland Legislative Assembly züngsem ajak, Nagaland MP ana, National Socialist Council of Nagaland (IM) aser Naga National Political Groups (NNPGs) indang Working Committee adentsü mepishia metetdaktsüogo.