Naga yimten melatetdang Assam, Manipur aser Arunachal den shisa lemsateptsü

New Delhi, November 19 (Agencies): Naga yimjung olemtep atema tatembang telemtetba nung sign masüdang Assam, Manipur aser Arunachal Pradesh sorkartem den shisalemsateptsü, ta Centre-i Mongulbarnü ashi.
Naga yimten olemtep kanga junga agidar, ta Union minister of state for home G Kishan Reddy-i Lok Sabha nung metetdaktsü.
Tangatettep kati arutsü inyaktepba maparen nung Centre sorkar den Naga nunger telungpur telok ajak amai shilem agir, ta paisa ashi.
Parliament nung tezüluba nung asüngdangba ka langzüba mapang, “Naga nunger den tangatetep kati maru tsüngda Assam, Manipur aser Arunachal Pradesh state tem dena külem sendaktepa alir ajunga den kanga junga shisa lemsateptsü,” ta Reddy-i ashi.
Tang tejembidak Naga yimten ken o ya 1997 küm tenzük aser taküm küm 22 jungogo.