Naga yimtenren onük latettsü atema mapang tajung: P. B Acharya

Kohima, Aenjeti (January) 26 (TYO): Tanü Nagaland Angh, P B Acharya-i, Naga yimtenren teloktem aser lokti tentettem longjemba aser State Assembly nung bangzüng aika renema yimtenren onük latettsü bushiba ya küm aika Naga nunger yimtenren onük latettsü atema mapang tajung ka lir, ta metetdaktsü.
“Nagaland putiotsü nung tang tongtibang tensa ka nung lir, aser kobi melii state assembly election agitsü, ano külen Nagaland nung aliba nüburtemi Naga yimtenren onük tatem küma latetner,” ta paisa metetdaktsü.
Tanü State Secretariat Plaza, Kohima nung 68buba Republic Day sentong nung jembidang Angh-i, “NSCN (IM) den küm 20 ken o jembia aruba aser 2015 küm Framework Agreement sign asüba ajanga, Naga yimtenren onük latettsü mapang ana nung lir, ta Nagaland nung aliba nüburtem nem teimla agütsüogo,” ta ashi.
“Yimjung ken o jembiba nung Naga yimtenren telok trok adenba ajanga, asenok longjemer iba onük ya latettsü akok, ta iba teimla taliba kadaktsü,” ta pai ashi.
Küm aika sorkar, telungpurtem, Arogo, lokti tentettem aser melungtet teloktemi Naga yimtenren latettsü atema bangzüng renemtettsü asoshi meranga inyaka arudar, ta pai ashi.
Naga yimtenren telok balala sabang ka nung arudaktsüba ya Tribal Hohos, Arogo, lokti tentettem, melungtet teloktem aser Naga yimtenren teloktem ajanga lir, ta pai tenüngsang agütsü.
Yimtenren latettsü atema tangbo telungpur telok balala longjemogo, anungji küm 70 tain Naga yimtenren onük latettsü atema Naga yimtenren teloktem asoshi iba ya maongka tajung, ta paisa ashi.
Tsüklai (Feb) 27 nü state nung election agitsü aliba dak sendakba nung Angh-i yimtenren party tem aser nüburtem dang, election nüboyimba mapang nung tesünep alitsü aser election junga agitettsü atema ayongzük. Angh-isa, Arogotem, melungtet teloktem aser lokti tenet balalai ‘Clean Election’ omen nung meranga inyakba atema pelaba lemsatep.
“Tang nungi tenzüka taruba hopta ishika tsüngda asenoki, senotem taginüba atalokja tarutsü tia tajungba akumtsü atema sorkar tasen ka shimtettsü imlar,” ta paisa ashi.
Terenlok mapa inyakba dak sendakba nung Angh-i, “Terenlok mapa balala inyaktsü atema ali nüngdaker, ta asenoki angatettsüla. Anungji ajaki, talisa ali kiburtemi amalitepa inyaktsüla aser nübur atema nüngdakba mapang nung parnok ali agutsütsüla,” ta mepishia metetdaktsü.
Tanep Angh-i parade contingents 22 nungi salem agizüka liasü. Contingents 22 nungji armed aser unarmed security forces, ex-servicemen, NCC, scouts & guides aser school tanurtem densema liasü. Paisa tenzükba wadang nung tangar dang nungi alia junga inyaker police aser sorkar mapa inyakertem nem meritorious awards agutsü.
Districts sub-divisional headquarters balala nung Minister tem aser Parliamentary Secretaries-i linük wako salaja liasü, aser state tesem ajaklen iba anogomong tesünep nung mongogo.
Iba anogomong nungsa Naga kin balalai sobaliba balala ajanga shilem agi aser sorkar department balalai exhibition saya.
Iba dak alia lokti tentet balala, Panchayats aser club balalai hospital tem, jail nung alirtem, orphanages, asylums aser matamabensar tanurtem semdanga teyari agutsüogo.

Kohima nung R-Day nü telemsa balala nung award angurtem tapak 12 nung angutsü:
KOHIMA NUNG R-Day Nü TELEMSA BALALA NUNG AWARD ANGURTEM:
President’s Police Medal Awardees announced on the occasion of Republic Day, 2018:
1. Joseph Hesso, SP, DEF, Kohima
Union Home Minister’s Medal for the year 2014-2015 announced on the occasion of Republic Day 2018:
1. Imtiakum Pongen, DySP, Police Training School, Chumukedima
2. Yanpvuo Tsopoe, Havildar, Police Training School, Chumukedima
Governor’s Gold Medal Awardees announced on the occasion of Republic Day, 2018:
1. Er. SK. Dhar, Jr .Er. PWD (H) attached to Nagaland House, New Delhi.
2. Y. Kihovi Chishi, Electrician, E.E, Electrical Division, Zunheboto.
3. R. Tochumong Chang, NPS, Dy. Commandant, 11th NAP (IR) Bn.
4. R. Dibambo Zeliang, NPS, Asst. Commandant, 9th NAP (IR) Bn.
5. Vikehieto Kenna-o, Inspector, OC, Kiphire Police Station.
6. T.L. Kiusumong Tikhir, NCS, ADC, Kohima.
7. Bhandari Town Eloe Hoho, NGO, Bhandari, Wokha District.
8. Rangkhamong Sangtam, VDB, Secy. Longkhitpeh Village, Chare, Tuensang.
Governor’s Commendation Certificate Awardees (GIST) announced on the occasion of Republic Day, 2018:
1. Er. Tesinho Semy, Mining Er. & Project Director (Minor Minerals), Directorate of Geology & Mining, Dimapur.
2. Abemo Ezung, LDA, Dy. Commissioner Office, Wokha.
3. Lanuchuba Longchar, NPS, Asst .Commandant, 15th NAP (IR) Bn.
4. Solezhol Neikha. Dy. Superintendent of Jails, District Jail, Phek.
5. Neikhotuonuo Dy. Director, State Agri Expo, 4th Mile, Dimapur.
6. T. Supongmar Longchar, Subject Matter Specialist, SARS, Yisemvong, Mokokchung.
7. Aketo Shohe, Asst. Election Officer, Mon.
8. Langsa Hill Welfare Society, NGO, Lampong Sheanghah Village, Mon.
9. Jungshi Sempo Jamir, Inspector (MIS), Directorate of Food &Civil Supplies, Dimapur.
10. Asabo Newmai, ASI, Police Commissionerate, Dimapur.
11. N. Choren Phom, L/Naik, DEF, Longleng.
12. Achile Thong, Sr. Lecturer, SCERT, Kohima.
13. Lithsithrong Sangtam, Night Chowkidar, Office of the General Manager, DIC, Kiphire.
14. Revivolu Kezo,Supervisor, CDPO Office, Kohima(T).
15. Lhoutsuvi Paphino, Chairman, VHC, Sub-Centre, Pfuchuma Village, Kohima.