Nagabazar & Headwinds nati akok; Barack pre-quarter-i iogo

Kohima, September 25 (TYO): Nagabazar Youth Organization, Headwinds Football Club Kohima aser Barack FC Peren nungeri tang tasayadak 16 buba NSF asayamong nung takok ngua tanü Hokolbar nü shilem agiogo.
Neiphivilie-i tanü asaya tenzüker minute 17 aser 37 buba na nung goal 2 agütsüba yong par Nagabazar teloki Native Feathers’ Ntuma Peren telok madak goal 2-0 agi mezüngbuba asaya koka 2 buba round asayatsü jenjang angu.
Akhriebu aser Mengukhrietuo nati asaya tenzüker minute 34 aser 37 buba na nung goal ka ka agütsüba ajanga par Headwinds teloki goal 2-1 agi Poilwa Youth Organization telok madak tanabuba asaya akok aser par telokia 2 round nung shilem agitsü jenjang ajangzük.
Kemchi-ia minute 64 buba nung par Poilwa telok asoshi goal 1 agütsü saka par teloki tanü tamakok angu.
Barack telokia goal 5-0 agi Sechü-Zubza Youth Organization telok madak tanü tasembuba asaya koka prequarterfinal nung shilem agitsü jenjang angu.
Tingyek Konyak-i minute 24 buba nung goal 1 agütsüba sülen külem asayar, Salu Kulim-ia minute 43 aser 56 buba na nung goal 2 agüja par Barack telok temaba jenjang nung ajungketttsü.
Aloumei Panmei-i minute 58 aser Tingyek-i maneni minute 70 buba nung goal ka ka agüja par telok nem tanü takok ngudaktsü.

September 26 nü asaya yamai alitsü:
Forerunner 4th NAP Bn vs The Tribal FC Kohima @ 11am
Khulioh King Tunesang vs 10th NAP (IR) XI @ 12:30 PM
Yhome FC Kohima vs Country Boys FC @ 2:00 PM