Nagabazar, Medziphema & Chüziema quarterfinal-i iogo

Dimapur, November 06 (TYO): Nagabazar Youth Organization, Medziphema United aser Chüziema FC nungeri takok ngua asayaba sülen tang tasayadak 21 buba Classic Cup asayamong quarterfinal nung shilem agitsü jenjang tanü Hokolbar nü nguogo.
Tanü mezüngbuba asaya nung Nagabazar telok aser Meriema United napronglai goal 1-1 agüja kasa jenjang anguba yong takoker shimtsü asoshi tie-breaker metsüteptsüsa aküm aser Nagabazar teloki goal 4-3 agi takok angu.
Kekhriengulie Usou-i par Meriema telok asoshi goal 1 aser Neiphivilie Seyie-i par Nagabazar telok asoshi goal 1 agüja liasü.
Medziphema telokia goal 1-0 agi 4th NAP Youth FC telok madak tanabuba asaya akok.
Khriese Terhüja-i asaya tenzüker minute 8 buba nung takokba goal-ji agütsü.
Chüziema telokia goal 5-2 agi Ablaze FC telok madak tasembuba asaya akok.
Tanü asaya nung Menguzelie-i par Chüziema telok asoshi goal 3 tashi agüja tan asayamong nung hat-trick yanglur asayar tasembuba aküm.
Viphrelie aser Menguzelie nati minute 7 aser 12 na buba nung goal kaka agüja par Chüziema telok temaba jenjang nung ajungkettsü.
Menguzelie-i maneni minute 20 buba nung goal 1 agüja par Chüziema telok goal 3-0 agi temaba jenjang kümdaktsü.
Ano, tanabuba asaya nung, asaya tenzüker minute 52 aser injury added time na nung Avilie aser Menguzelie nati goal kaka agüja par telok nem takokbaji bener arutsü.
November 7 nü asaya yamai alitsü:
1. Pfuratsie FC vs HQ IGAR (N) @ 10am
2. New Market ‘B’ vs Dzüvürü XI @ 11:40 am
3. Prege FC vs Alpha Squab @ 1:30 pm